3.ENTRENAMENDUA (2014/02/20)

Ostegunean dantzako klasea izan nuen. Jaikitzean, 80 pultsazio inguru neuzkan eta nahiko nekatuta pasa nuen egun guztia. Dantzan hasi baino lehen minutuko 85 pultsazio neuzkan eta azkenik, bukatzerako 120 inguru. 

Berotzen hasteko, muskulu bikiak berotu ditugu barrari helduta. Jarraian, saltoak egin ditugu, musikaren erritmoan hanka batekin, bestearekin, hankak irekita, itxita … errepikapen ugarirekin gorputza martxan jartzeko. Horren ondoren, besoak berotzeari ekin diogu, horiek altxata gerria mugitzen alde guztietara. Ondoren, abdominalak egin ditugu, mota desberdinetakoak, horiek ere musikaren erritmora; normalak, oinak puntan jarrita, hankak altxata, etzanda hankak altxa eta gurutzatuz …  Beroketarekin amaitzeko plazako arin-arin bat egin dugu, besorik gabe. Ordu erdi iraun du beroketak.

Beroketarekin amaitzean fandangoari heldu diogu, eta pauso guztiak banaka egin ditugu, errepikapen desberdinetan; lehenengoa eta bigarrena, lehenengo hirurak, hirugarrena eta laugarren pausuak … Klasea bitan zatituta egin dugu fandangoa, talde batek bere zatia bukatzean besteak jarraitzen zuelarik. Besorik gabeko errepikapen batzuen ondoren, besoak altxata egin dugu. Fandangoarekin amaitzeko behin goitik behera eta besoak altxata egin dugu. Amaitzean, beste horrenbeste egin dugu arin-arinarekin.

Klasearen amaieran, gorputz guztiko luzaketak egin ditugu.