4.SAIOA (nerea)

Atzo, osteguna otsailak 28, Tolosako futbol ekipo guztiei gauza ezberdinak erakusten ari den entrenadore batekin entrenatu genuen, Iñigo.Hasteko, hala ere, gure betiko entrenadoreekin berotu genuen. Usabaleko Laskorain ikastola erreferentzitzat hartuz, hari inguratuz bueltaka korri egin genuen. Lehengo buelta, berotzeko, oso poliki egin genuen. Ondoren 20 minutu inguru eman genituen bertatik korrika. Aurreko aldean, aldapa gora dena, erritmo azkarrean egiten genuen, ondoren datorren aldapa behera errekuperatzeko erabiltzen genuen;gero zuzena den bidean pixkanaka erritmoa azkartzen genuen, gero, zubia pasa ondoren berriro ere erritmo azkarrean hasteko goruntz. Beroketa hau amaitu ondoren, estiramendu batzuk egin genituen atal teknikoa hasi baino lehen.

Lehen aipatu bezala, Iñigorekin, gauza ezberdinak lantzen dira baina gurekin batez ere, teknikaren inguruan ibiltzen da. Atzo ariketa ezberdinak egin genituen gauza ezberdinak landuz, adibidez, pase mota ezberdinak eginez ahal den aurkari kopuru berdina bese alderdian uztea helburutzat hartuz, ariketak eta arau ezberdinak jarriz partidu antzeko bat egin genuen. Ondoren, hasieran egindako ariketa sinple bat errepikatu eta ondoren konplikatzen hasi zen. Horretarako 6 pertsonez osatutako karratu bat egin genuen, eta posta bakoitzean zegoenak ariketa ezberdin bat egin behar zuen bere txanda zenean eta baloia iristean.

Entrenamendua bukatzeko, abdominal eta flexio bi serie egin genituen.

Taldeko  batzuk abdominalak egiten.

Lasaitasunera bueltatzeko, lurrean luzaketak egin genituen. Entrenamendu nahiko gogorra egin genuenez, bolak ere askatu genituen. 

Goizean esnatzen 66 pultsazio nittuen, entrenamendua hasi aurretik 74 eta bukatzean 93 pultsazio.

Nekatuta joan nintzen, lo falta nuelako eta egia esan entrenamendu bukaerarako ez nuen espero bezain nekatuta bukatu. Hala ere, beste egunetan baino askoz ere nekatuago bukatu nuen.