8. SAIOA
Gaur, urriaren 16a, fisikoki ondo
nengoela jaiki naiz eta animikoki normal sentitzen nintzen. Esnatu naizenean,
54 pultsazio/minutuko nituen.
Bazkaldu eta gero, Pablorekin eta
Andonirekin ibiltzera joateko plana egin dut. Entrenamendua hasi aurretik 72
pultsazio/minutuko nituen eta hankak estiratu ditut: izterrak, bolak eta
txorkatilak. Ibarran gelditu naiz Andonirekin eta Pablorekin eta Belauntzara
joan gara oinez errepidetik eta hartu ditugun bidezidorretatik; bertan ur pixka
bat edan dugu eta argazki batzuk atera ditugu elizaren parean. Gero, Leaburura
joan gara, berriro ere errepidetik, eta bertan ere ur trago bat edan eta
argazkiak atera ditugu frontoian. Leaburutik jaistean banatu egin gara: ni, bakarrik,
Ibarrara jaitsi naiz Voight enpresaren aurretik pasatuz eta Ibarrako hilerriko
eskaileretatik jaitsiz. Bide guztia erritmo antzeko batean egin dugu: ez gara
joan ez oso azkar, ezta oso poliki ere. Etxera iristean, hasieran bezalaxe,
estiramendu batzuk egin ditut eta 90 pultsazio/minutuko nituen.
Orain pozik sentitzen naiz eta ez
nago nekatuta.
Hauek dira Belauntzan eta Leaburun
ateratako argazkiak:
No hay comentarios:
Publicar un comentario